ຄະນະກຳມະການຮ່ວມແມ່ນ້ຳຂອງສາກົນຫາລືກ່ຽວກັບໂຄງການເຂື່ອນໄຟຟ້າດອນສະໂຮງ
http://livelaos.blogspot.com/2014/02/blog-post_2240.html
ຄະນະກຳມະການຮ່ວມແມ່ນ້ຳຂອງສາກົນຫາລືກ່ຽວກັບ
|
|
ໃນວັນທີ 16 ມັງກອນ 2014 ຄະນະກຳມະການຮ່ວມຂອງຄະນະກຳມາທິການແມ່ນ້ຳຂອງສາກົນ ໄດ້ຈັດກອງປະຊຸມພິເສດຂອງຕົນຂຶ້ນ ເພື່ອປຶກສາ ຫາລືກ່ຽວກັບໂຄງການເຂື່ອນໄຟຟ້າດອນສະໂຮງ ທັງນີ້ ເພື່ອແນໃສ່ ໃຫ້ບັນດາປະເທດສະມາຊິກ ໄດ້ແລກປ່ຽນຄວາມຄິດເຫັນຮ່ວມ ກັນກ່ຽວກັບ ຂັ້ນຕອນ ໃນການດຳເນີນວຽກ, ໂດຍອີງໃສ່ສັນຍາແມ່ນ້ຳຂອງທີ່ບັນດາປະເທດສະມາຊິກໄດ້ເຊັນຮ່ວມກັນໃນປີ 1995.
ທ່ານນາງ ມອນມະນີ ຍອຍບົວກອງ ຫົວໜ້າກອງເລຂາຄະນະກຳມະການແມ່ນ້ຳຂອງ ແຫ່ງຊາດລາວ ໄດ້ໃຫ້ສຳພາດຕໍ່ສື່ມວນຊົນວ່າ: ໃນກອງປະ ຊຸມບັນ ດາປະເທດສະມາຊິກໄດ້ມີຂໍ້ສະເໜີອັນສ້າງສັນຕໍ່ ສປປ ລາວ ວ່າ: ໂຄງການເຂື່ອນໄຟຟ້າດອນສະ ໂຮງຄວນດຳເນີນການໃນຂັ້ນ ຕອນຂະບວນການ ປຶກສາຫາລືກັນລ່ວງໜ້າ, ໝາຍຄວາມວ່າ ກ່ອນຈະດຳເນີນການໃດໆ ກ່ຽວກັບໂຄງການຕ້ອງໄດ້ມີການປຶກສາຫາ ລືກັບບັນດາປະ ເທດສະມາຊິກ ກ່ອນລ່ວງ ໜ້າ, ແຕ່ໃນຈຸດນີ້ ສປປ ລາວ ໄດ້ຢືນຢັນວ່າ ຄວນດຳເນີນໃນຂະບວນການແຈ້ງໃຫ້ກັນຊາບ ເນື່ອງຈາກວ່າທີ່ຕັ້ງ, ຈຸດພິເສດ ແລະ ສະພາບແວດ ລ້ອມຂອງໂຄງການເຂື່ອນໄຟຟ້າດອນສະໂຮງ ແມ່ນຈະບໍ່ສົ່ງຜົນກະທົບທາງດ້ານສິ່ງແວດລ້ອມ ຫລື ຄວາມຍືນຍົງຂອງແມ່ນ້ຳຂອງ. ດັ່ງນັ້ນ ກອງປະຊຸມ ຈຶ່ງມີຄວາມ ເຫັນເປັນເອກະພາບ ກັນວ່າຈະສະເໜີຄວາມຄິດເຫັນດັ່ງກ່າວ ຕໍ່ ລັດຖະມົນຕີຄະນະກຳມາທິການແມ່ນ້ຳຂອງສາກົນ.
ກອງປະຊຸມປຶກສາຫາລືຄັ້ງນີ້ ໄດ້ນຳເອົາຜົນປະໂຫຍດອັນໃຫຍ່ຫລວງແກ່ ສປປ ລາວ ເພາະຄຳຄິດເຫັນຂອງບັນດາປະເທດສະມາຊິກລ້ວນແຕ່ສ້າງສັນ ເພື່ອແນໃສ່ໃຫ້ໂຄງການກໍ່ສ້າງເຂື່ອນໄຟຟ້າດອນສະໂຮງມີຄວາມຍືນຍົງ, ເປັນມິດກັບສິ່ງແວດລ້ອມ ແລະ ຮັບປະກັນໄດ້ຄວາມຍືນຍົງຂອງອ່າງແມ່ນ້ຳຂອງ. ພ້ອມນີ້ກອງປະຊຸມຍັງໄດ້ຮັບຮອງເອົາຂອບເຂດໜ້າວຽກຂອງການສຶກສາ, ຄຸ້ມຄອງ ແລະ ພັດທະນາອ່າງແມ່ນ້ຳຂອງໃຫ້ມີຄວາມຍືນຍົງ, ມີການຮັບຮອງເອົາຂອບເຂດໜ້າວຽກຂອງຄະນະກຳມະການຮ່ວມຂອງຄະນະກຳມາທິການແມ່ນ້ຳຂອງສາກົນ.
